Биз менен байланышыңыз

«ЕАЭБге киргенден бери эч кандай түзүмдүк өзгөрүү болгон жок»

Кыска кабар , Пикирлер | 31 Дек 2020 | 988 | 0

Кыргызстан ЕАЭБге киргенден бери эч кандай түзүмдүк өзгөрүү болгон жок. Мындай пикирин Чет өлкөлүк инвесторлор ассоциациясынын төрагасы Кайрат Итибаев «Марал» радиосуна берген маегинде билдирди.

Анын айтымында, ЕАЭБдин жалгыз артыкчылыгы, Кыргыз-орус өнүктүрүү фонду аркылуу каражат бөлүнүп, анча-мынча бизнеске кайра иштетүү жөндөмдүүлүгү кирди. Биримдик Кыргызстандын экспорттук денгээлге чоң пайда алып келген жок. Жадагалса, акыркы 6 жылдан бери Кыргызтанга ЕАЭБ мамлекеттеринин товарлары кирип жатат.

«Өлкөдө экономиканын нерв системасы эки нерседен турат. Алар: төлөм (акчанын кирип-чыгуусу) жана соода баланстары. Быйыл төлөм балансы негативдүү, 600 млн доллар артка кеткен. Тагыраагы, ушунча каражат өлкөдөн чыгып кетти да, сомдун кунуна таасир этти. Бул — экономиканын нерв системасынын өнөкөт оорусу. Биз реэкспорттук экономикада жашап келгенбиз», — дейт Итибаев.

Ал Кыргызстандын жергиликтүү өндүрүүчүлөрдү коргоого мүмкүнчүлүгү, билими жетпей жатканын белгиледи.

Copyright © 2017 Maral FM