Биз менен байланышыңыз

Дүйнөлүк күрөш уюму Айсулуу Тыныбекованы мыкты спортчу деп тапты

Кыска кабар , Спорт | 25 Дек 2020 | 505 | 0

Дүйнөлүк күрөш уюму кыргызстандык балбан Айсулуу Тыныбекованы Сербияда өткөн Дүйнө Кубогунда мыкты спортчу деп тапты. Бул тууралуу Тыныбекова Фейсбуктагы баракчасына жазды.

Айсулуу Тыныбекова кыз-келиндер күрөшү боюнча өткөн Дүйнө Кубогунда чемпион болгон.

Мелдеш 12-18-декабрда Сербиянын Белград шаарында өткөн.

62 кг салмакта беттешкен Айсулуу Тыныбекова финалда латвиялык Анастасия Григорьеваны 14:0 эсебинде жеңип алган. Ал жарым финалда орусиялык Любовь Овчарованы 13:2 эсебинде утту. Чейрек финалда Жансу Аксой (Түркия) менен күрөшүп, аны 10:0 эсебинде уткан. 1/8 финалда румыниялык Криста Инцени 10:0 эсебинде жеңип алган.

Кыргызстандын эгемен тарыхында кыз келиндер күрөшү боюнча дүйнөлүк чемпионаттын алтын байгесин биринчи жолу Айсулуу Тыныбекова багындырды.

Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM