Президенттин басма сөз катчысы тууралуу эмне билесиз?

Президенттин милдетин аткаруучу Садыр Жапаров 29-октябрда Галина Байтеректи президенттин басма сөз катчысы кызматына дайындоо тууралуу жарлыкка кол койду.

Галина Байтерек 1971-жылдын 19-июлунда туулган.

Жогорку билимдүү. 1996-жылы Жусуп Баласагын атындагы Кыргыз улуттук университетинин орус филологиясы факультетин бүтүргөн.

1994-2001-жылдары «Баластан» балдар студиясынын режиссеру, редактору жана алып баруучусу болуп иштеген.

Балдар теле берүүлөрүнүн, өспүрүмдөр үчүн музыкалык программалардын автору.

2002-2004 жылдары — КТРдин «Дневной блок телепередач» программасынын баяндамачысы. «Тема дня» аналитикалык программасынын алып баруучусу болгон.

2004-2006-жылдары — КТРдин жарнама-коммерциялык агенттигинин «Арноо концерти» программасынын режиссеру болуп иштеген.

2007-2008-жылдары — КТРдин социалдык-экономикалык инновациялык программалар редакциясынын башкы редактору.

2009-2010-жылдары «ЭЛТР» ТРКсынын баяндамачысы болуп иштеген, «Итоги недели» аналитикалык программасын алып барган.

2010-2015-жылдары — КТРКнын социалдык-экономикалык жана инновациялык программалар башкы редакциясынын саясий редакциясынын баяндамачысы; Президенттин жана Жогорку Кеңештин депутаттарын шайлоого байланыштуу бардык түз эфирдеги программалардын алып баруучусу; «Свободный микрофон» ток-шоусунун автору жана алып баруучусу; «Стратегия-2040» президенттик программасынын алып баруучусу.

Сыйлыктары:

2011-жылы — «КТРКнын мыктысы»;

«Маданияттын мыкты кызматкери»;

2014-жылдан тарта жыл сайын «Слово Кыргызстана» жана «Кыргыз Туусу» гезиттеринин «Жылдын мыкты редактору» наамын алып келет.

Үй-бүлөлүү, үч баланын энеси.