Мавлян Аскарбеков кызматтан кетүүгө арыз жазды

Бишкектин Биринчи май районунун акиминин орун басары Мавлян Аскарбеков кызматын тапшыруу боюнча арыз жазды. Ал бул тууралуу Фейсбуктагы баракчасына жазды.

Белгилүү активист Мавлян Аскарбеков Биринчи май районунун акиминин турак жай, коммуналдык чарба иштери боюнча орун басары болуп 2018-жылы октябрда дайындалган.

Аскарбеков бул кызматка келгенге чейин жарандык активист катары көйгөйлүү маселелерде пикирин ачык билдирип жүргөн.