Дүйнө жүзүндө коронавирус жуктургандар 35 миллиондон ашты

Жон Хопкинс университетинин учурдагы маалыматтары боюнча, дүйнөдө коронавирус жуктургандардын саны 35,16 миллиондон ашты. Алардын ичинен 1,037 миллиондон ашыгы аталган илдеттен көз жумган.

Жуктургандардын саны боюнча АКШ лидер бойдон калууда. Анда 7,41 миллиондон ашык адам жуккандыгы аныкталды. Экинчи орунда Индия (6,62 миллион), үчүнчү орунда Бразилия (4,91 миллиондон ашык), төртүнчүдө Орусия, бешинчи орунда Колумбия (855 миңден ашуун) турат.

Дүйнөнүн булуң-бурчундагы мамлекеттер вирустун жайылышын токтотууга ар түрдүү чара көргөнүнө карабастан, Covid-19 дагы деле тарап жатат. Айрым өлкөлөр вирустун жайылышын токтотуп, алдын алгандай болгон, бирок күз мезгили менен инфекция кайрадан тарап жатканы талашсыз.