2020-жыл Жердин тарыхындагы эң ысык жыл болот

Улуттук океан жана атмосфера администрациясынын (NOAA) окумуштуулары 2020-жылды Жер планетасынын тарыхындагы эң ысык жыл болууга 75% мүмкүнчүлүк бар экендигин айтышты. Бул тууралуу чет элдик басылмалар жазды.

Алардын айтымында, 2020-жылдын алгачкы үч айы 2016-жылдагы ысыктан кийинки экинчи жылуу мезгил болгон.

NOAAнын өкүлү Дека Арндтанын айтымында, февраль жана март айлары Эль-Ниньону кошпогондо тарыхтагы эң жылуу айлардан болгон.

Окумуштуулардын айтымында, 2020-жыл тарыхтагы эң ысык жыл болбосо дагы, эң жылуу 5 жылдын ичине кирүүгө 99,9% мүмкүнчүлүгү бар.