Биз менен байланышыңыз

Кыргызстанда жума намазына убактылуу тыюу салынды

Кыска кабар | 17 Мар 2020 | 1741 | 1

Кыргызстан мусулмандарынын дин башкармалыгы коронавирус эпидемиясынан сактануу максатында жума намаздарына убактылуу тыюу салды. Муфтияттан кабарлашкандай, дүйнөдөгү мусулман мамлекеттердин диний фатвалары эске алынып, бир катар чечимдер кабыл алынды.
-Кырдаал турукташканга чейин Жума намазы убактылуу токтотулду. Жума намазынын ордуна бешим намазы үйлөрдө окулат.

-Мечиттер жабылбайт, намаз убактыларын билдирүү үчүн азан айтылып турат.

-Беш убак намаз үйдө окулуусу сунушталат.

-Даават иштери боюнча убактылуу чектөөлөр киргизилди.

-Жаназа намаздары маркумдун жакын туугандарынын жана аз кишинин катышуусунда үйлөрдө окулуусу сунуштала турган болду.

Муфтият мындай учурда Жаратканга дуба кылууга чакырат жана ар кандай азык-түлүк, керектүү буюмдарды кымбат баада сатуу күнөө экенин да эскертти.

Copyright © 2017 Maral FM