Биз менен байланышыңыз

Өкмөт башчы «Кумтөрдө» жоголгон жарандарды издөөнү тапшырды

Кыска кабар | 2 Дек 2019 | 866 | 0

«Кумтөр» ишканасында иштеген эки кызматкер жер көчкү алдында калып, дайынсыз болууда. Аларды издөө үчүн премьер-министр Мухаммедкалый Абылгазиевдин тапшырмасы менен Өзгөчө кырдаалдар министрлигинин, Экологиялык жана техникалык коопсуздук боюнча мамлекеттик инспекциянын кызматкерлери Ысык-Көл облусундагы Кумтөр кенине кетишкен.

Өкмөт башчы жоголгон жарандарды издөө боюнча зарыл болгон бардык чараларды көрүү тапшырмасын берди.

1-декабрда эртең менен «Кумтөрдүн» эки кызматкери — бульдозердин айдоочусу жана түнкү нөөмөттүн кезекчиси жоголгон.

Алдын ала маалыматтар боюнча, кызматкерлер Кумтөрдөгү жер көчкүнүн кесепетинен жабыр тартышы мүмкүн. Учурда аларды издөө иштери жүрүүдө.

Окуянын себеби боюнча кошумча маалыматтар берилет.

Copyright © 2017 Maral FM