Каттоо кызматы: 9 айда 383 миң кишиге Кыргызстандын жарандык паспорту берилди

9 айда Мамлекеттик каттоо кызматы 383 миң 994 кишиге Кыргызстандын жарандык паспортун (еID) берген. Бул тууралуу аталган кызматтын маалымат бөлүмү билдирди.

2018-жылдын ушул эле мезгил аралыгында Кыргызстандын 240 миң жараны паспорт менен камсыз болгон. Ал эми бул жылы өткөн жылга салыштырмалуу 59,5%га көбүрөөк паспорт берилген.

Ошондой эле, 9 айдын ичинде 328 миң 609 жалпы жарандык паспорт берилген, 2018-жылдын ушул мезгил аралыгында 156 миң 967 паспорт берилген.