Төрөбаев: Өнүгүү-прогресс партиясы келе жаткан шайлоодо ат салышат

Өнүгүү-пргоресс фракциясы 2020-жылда өтө турчу шайлоого катышат. Бул тууралуу аталган партиянын төрагасы Бакыт Төрөбаев «Маралга» билдирди. Төрөбаев, Кыргызстан акыркы жылдары өнүгүп баратканын жана жумушсуздук маселеси жоюлуп жатканынына токтолду.

-Ар бир партия шайлоого баратканда өзүнө максат коюп, суроо берет. Эмне үчун биз шайлоого баратабыз? Биз мамлекетке кандай иштерди жасашыбыз керек? Мындай суроолорго албетте биз дагы жооп издегенбиз. Биздин фракция келе жаткан шайлоого пландарды, максаттарды койду. Анда, Кыргызстандын келечеги, коопсуздук жана башка мамлекетте эмгектенип жүргөн жарандарыбыздын укугун коргоо көйгөйлөрү каралган. Маселен башка жакта иштеп жүрүп, кудай сактасын кырсыкка кабыла турган болсо, аны мамлекет бул жакка алып келгенге мүмкүнчүлүк ачыш керек. Мына ушул сыяктуу проблемаларды чечүүдө өзүбуздүн ойлорубуз, идеяларыбыз бар. 

Төрөбаев ошондой эле, 2015-жылдагы шайлоодо партиянын негизги максаты региондорду көтөрүү болгонун эске салды.