Садыр Жапаровдун улуу баласы каза тапты

Саясатчы Садыр Жапаровдун улуу баласы Дастан Мусталиев каза тапты. Бул тууралуу активист Мелис Аспеков “Марал” радиосуна ырастады. Анын маалымдашынча, Мусталиев жол кырсыгына кабылган.

-Бишкек шаардык 4-ооруканасынын жандандыруу бөлүмүнө жаткырылган болчу. Партиялаштар чогулуп, кан бергенбиз. Азыр эле Дастандын жан бергени тууралуу кабар алдык, — деди Аспеков.

Кошумчалай кетсек, 27 жаштагы Дастан Мусталиев Садыр Жапаровдун улуу баласы.

Садыр Жапаров 2013-жылдын 7-октябрында Каракол шаарында «Кумтөр» кени боюнча болгон нааразычылык акциясындагы баш аламандыкты уюштурууга күнөөлөнүп, 2017-жылдын 25-мартында кыргыз-казак чек арасынан кармалып, камакка алынган. 2018-жылы июнь айында экс-депутат 11 жыл 6 айга кесилген.