Улуу Жеңишке 74 жыл

Бүгүн, 9-май — Улуу Жеңиш күнү. Улуу Ата Мекендик согуштун аяктаганына 74 жыл толду. Бул күндүн урматына Кыргызстандын жер-жерлеринде майрамдык параддар, Бишкекте «Өлбөс полк» жүрүшү, Жеңиш эстелигине гүл коюу жана бир катар концерттик программалар өтмөкчү.

Эскерте кетсек, 1941-жылы башталган Ата Мекендик согушка Кыргызстандан 360 миңден ашуун адам аттанып, анын 160 миңден ашыгы окко учканы айтылат. Быйыл согуш ардагерлеринин 356сы Жеңиш майрамын тосмокчу.