Forbes журналы дүйнөдөгү эң бай аялды атады

Forbes журналы 2019-жылдагы дүйнөдөгү эң бай аял катары L`Oreal косметикалык компаниясынын мураскери Франсуаза Бетанкур-Майерсти атады. Анын байлыгы 49,3 миллиард долларды түзгөн. Бул тууралуу РИА Новости агенттиги билдирди.

Дүйнө жүзүндөгү бай адамдардын рейтингинде Франсуаза Бетанкур-Майерс 15-орунда турат.

Майерс жана анын жакындары L`Oreal компаниясынын 33 пайызына ээлик кылат.

Ал 1997-жылдан бери L`Oreal компаниясынын мүчөсү болуп эсептелинет. Майерс – чач боёк чыгаруу компаниянын негиздөөчүсү Эжена Шуллеранын жалгыз небереси болуп саналат.

2018-жылы компаниядагы акцияларынын үлүшүнүн жогорулоосу менен анын абалы 7,1 млрд долларга же 17 пайызга өскөн.