Жол кырсыгынан жабыркагандардын абалы туруктуу

Токмокко жакын жерде катталган жол кырсыгынан аман калып, ооруканага жаткырылган жарандардын биринин абалы оор. Ал жандардыруу бөлүмүндө. Бул тууралуу Саламаттыкты сактоо министрлиги кабарлады.

Ал 22 жашта, анын башы жарылып, мээси чайкалган. Абалы туруктуу, бирок оор, учурда кайра жандандыруу бөлүмүндө.

45 жаштагы киши да башынан жаракат алып, мээси чайкалган. Сол ийини сынып кеткен. Омурткасы сынып жүлүнүнө доо кеткен. Ал Улуттук госпиталдын нейрохирургия бөлүмүнө которулганы кабарланды.

Ал эми 42 жаштагы киши да башынан жаракат алып, мээси чайкалган. Акыреги сынып, омурткасы кокустаган. Ал да Улуттук госпиталдын нейрохирургия бөлүмүнө которулду.

Эске салсак, 16-декабрда Чүй облусунун Ысык-Ата районунда Бишкек-Нарын-Торугарт унаа жолунун 50-чакырымында жол кырсыгы катталып, анда 5 адам каза болгон.