Биз менен байланышыңыз

Айтматовдун 90 жылдыгына карата монеталар чыгарылат

Кыска кабар | 29 Окт 2018 | 947 | 0

Улуттук банк Чыңгыз Айтматовдун 90 жылдыгына арналган коллекциялык монеталарды чыгарат. Бул тууралуу банктын сайтына жарыяланды.

Монетанын алдыңкы бетине Чыңгыз Айтматовдун портрети жана жазуучунун кол тамгасы түшүрүлгөн. Четин тегерете «Чыңгыз Айтматов – 90 жыл» / «Chingiz Aitmatov – 90 years» жазуусу орун алган. Ал эми оң тарабында монетанын номиналы көрсөтүлгөн.

Монетанын арткы бетинин жогорку бөлүгүнө өлкөнүн герби түшүрүлүп, Айтматовдун чыгармасындагы ак кеменин жана бугу эненин элеси, тоолордун жана Ысык-Көлдүн сөлөкөтүнүн алкагында чагылдырылган. Ал эми төмөн жагында монетанын чыккан жылы көрсөтүлгөн.

Ар бир монета акрил капсуласына жайгаштырылып, сертификаты менен өзүнчө кутучага таңгакталган.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM