14 градуска чейин жылыйт. Бир жумага карата аба ырайы

Кыргызгидромет борбору бир жумага карата өлкө аймагындагы аба ырайы боюнча маалымат берди.

Ага ылайык, көпчүлүк аймактарда аптанын башында кар жаап, жолдор тайгак болот.

Бишкек шаарында 19-24-февралдарда жаан-чачын күтүлбөйт. 24-февралда түнкүсүн жана эртең менен туман түшүшү мүмкүн. Күндүз көпчүлүк аймактарда кар жаайт. Батыштан соккон шамалдын ылдамдыгы секундасына 4-9 метрге жетиши күтүлөт.

Чүй облусунда 19-24-февралда жаан-чачын күтүлбөйт. 25-февралда көпчүлүк аймактарда кар жаайт. Батыштан соккон шамалдын ылдамдыгы секундасына 4-9 метрге жетиши күтүлөт.

Талас облусунда 19-24-февралда жаан-чачын күтүлбөйт. 25-февралда айрым жерлерде кар жаайт. Жолдор тайгак болот.

Ош облусунда 19-февралда кар жаап, 20-24-февраль күндөрү күн ачык болот. 25-февралда кар жаашы күтүлүүдө.

Жалал-Абад облусунда 19-февралда түнкүсүн тоолуу райондордо кар жаайт, бирок күндүз жаан-чачын күтүлбөйт. Айрым жерлерге туман түшөт. Жуманын аягында көпчүлүк жерге кар жаашы мүмкүн. Батыштан соккон шамалдын ылдамдыгы 4-9 метрге жетет.

Баткен облусунда 19-февралда кар жаашы күтүлөт. 20-24-февралда жаан-чачын жаабайт. Шамалдын ылдамдыгы 1-6 метрге жетип, багыты өзгөрүп турат. 25-февралда кар жаашы мүмкүн.

Ысык-Көл облусунда 19-февралда түнкүсүн айрым жерлерде кар жаашы күтүлөт. Андан соң аптанын аягына чейин жаан-чачын болбойт. Батыштан соккон шамалдын ылдамдыгы 4-9 метрге жетет.

Нарын облусунда 19-февраль күнү кар жаашы күтүлүүдө. 20-24-февралда жаан-чачын болбойт, 25-февралда кар жаайт. Жолдор тайгак болот.