Украинадагы согуштун жетинчи күнү: Өткөн түндөгү окуялар тизмеги (фото)

Украинадагы согуштун жетинчи күнү аяктап, бүгүн сегизинчи күнү Киев, Харьков, Мариуполь жана башка бир катар шаарларда дагы деле атышуулар уланууда.

Соңку саатка алынган окуялар тизмеги:

• БУУнун маалыматына ылайык, бир миллион украиналык качкынга айланды.
• Гаагадагы эл аралык кылмыш соту Орусиянын Украинадагы шектүү аскерий кылмыштарына карата тергөө баштады.
• Орусиянын Коргоо министрлиги алгачкы жолу расмий түрдө канча аскер жоготконун ачык жарыялады.
• Ал эми Украина тарап Орусия бир жума ичинде тогуз миңдей аскерин жоготту деп билдирүүдө.
• Украинанын чалгын кызматынын маалыматына ылайык, 4-март күнү Орусия өлкө ичинде аскердик абал жарыялашы мүмкүн.
• Дүйнөлүк Банк Орусия жана Белорустагы долбоорлорун токтотту.
• Гамбургда орусиялык миллиардер Алишер Усмановдун 600 млн долларлык Dilbar деп аталган яхтасы камакка алынды.
• Дагы бир орусиялык миллиардер Роман Абрамович «Челси» футбол клубун сата турганы белгилүү болду.
• Oracle, Mercedes-Benz жана H&M Орусияда сатууларын токтотту.
• Орусияда согушка каршы нааразычылык акцияларында кармалгандардын саны 700дөн ашты.