Ош аэропорту Стамбулдан келген алгачкы рейсти тосуп алды

Бүгүн, 1 -октябрда «Ош — Стамбул — Ош» маршруту боюнча жаңы түз аба каттам ачылды. Биринчи каттамдын жүргүнчүлөрүн Ош эл аралык аэропорту салтанаттуу тосуп алды. Биринчи рейс менен 130 жүргүнчү келди. Бул тууралуу Ош шаардык мэриясынын маалымат кызматы билдирди.

Жүргүнчүлөрдү ташууну Pegasus авиакомпаниясы ишке ашырып жатат. Жүргүнчүлөр жумасына 3 ирет – дүйшөмбү, шаршемби жана жума күндөрү уча алышат.

Учуу убактысы 5 саат 30 мүнөттү түзөт.