Бир күндө 19 миңден ашык киши коронавируска каршы эмделди

Бир күндө Кыргызстанда 19 миң 80 киши коронавируска каршы эмделди. Бул тууралуу республикалык штабдан билдиришти.

Эмделгендердин 17 миң 494ү вакцинанын биринчи дозасын, 1 миң 586сы эки дозасын тең алды.

Ошол эле учурда Кыргызстанда жалпы 114 миң 840 адам вакцинанын эки дозасын тең алган. 431 миң 140 киши вакцинанын биринчи дозасы менен эмделген.

Кыргызстанда эмдөө 29-мартта башталган. Буга чейин саламаттык сактоо министри Алымкадыр Бейшеналиев август айынын ортосуна чейин 1 млн 250 миң кишини эмдөөдөн өткөрүү пландалып жатканын айткан.