Юстиция министрлигинин Чүй облустук башкармалыгына жаңы башчы дайындалды

Таштемир Чилдебаев Юстиция министрлигинин Чүй облустук жана Бишкек шаардык башкармалыгынын жетекчиси болуп дайындалды. Тиешелүү буйрукка министр Асел Чынбаева кол койду.

Таштемир Чилдебаев 1959-жылдын 21-сентябрында Токтогул районунун Үч-Терек айылында туулган. 1986-жылы Кыргыз мамлекеттик университетинин юридика факультетин аяктаган.

Эмгек жолу: 

1977-179-жылдары СССР Куралдуу Күчтөрүнүн катарында кызмат өтөгөн;

1980-жылы — Калкты турмуш-тиричиликтик жактан тейлөө министрлигинин Ленин (азыркы Ноокен) райондук башкармалыгында жумушчу;

1980-181-жылдары — Ленин райондук сотунун отурумдарына катчы;

1986-1991-жылдары — Ош облустук прокуратурасында: Алай районунда прокурордун жардамчысы; Кызыл-Кыя шаарында прокурордун башкы жардамчысы; Ош облустук прокуратурасында бөлүм башчы;

1991-1992-жылдары Жалал-Абад облустук прокуратурасынын начальнигинин башкы жардамчысы;

1992-1995-жылдары — Вице-президенттин жардамчысы, укук коргоо органдары бөлүмүндө, укук коргоо бөлүмүндө референт;

1995-1998-жылдары — Ош облустук прокурорунун биринчи орун басары;

1998-2000-жылдары — Жогорку Кеңештин Мыйзам чыгаруу палатасына Президенттин ыйгарым укуктуу өкүлү;

2000-2009-жылдары — БУУнун Өнүктүрүү программасында жана Евробиримдикте юридикалык кеңешчи, улуттук эксперт;

2009-2010-жылдары — Юстиция министрлигинде башкармалыктын жетекчиси;

2010-2015-жылдары — Конституциялык палатанын, Жогорку Соттун аппарат жетекчиси;

2015-жылдан тартып Президенттин аппаратында укуктук тейлөө бөлүмүнүн эксперти.