Жыпариса Рысбекова Балдар укугу боюнча өкүл болду

Президент Садыр Жапаров кол койгон Жарлыкка ылайык, Жыпариса Рысбекова Кыргыз Республикасынын Балдар укугу боюнча ыйгарым укуктуу өкүлү болуп дайындалды. Бул тууралуу Президенттин администрациясынын маалыматтык саясат бөлүмү билдирди.

Садыр Жапаров 5-майда кол койгон жаңы Конституцияда балдар укугу боюнча ыйгарым укуктуу өкүл кызматы иш алып барары жазылган. Ал Президенттин аппаратынын бир түзүмү болуп саналат.

Ошондой эле Президенттин Жарлыгы менен:

— Айгүл Арипова Президенттин администрациясынын кеңсе башчысы, Президенттин жана Министрлер кабинетинин чечимдерин, башка актыларды аткарууну көзөмөлдөө бөлүмүнүн башчысы;

— Уланбек Усеков Президенттин администрациясынын кеңсе башчысынын орун басары, иш кагаздарын жүргүзүү, регламент жана жыйналыштарды уюштуруу бөлүмүнүн башчысы болуп дайындалды.