Кыш жылуу болуп, мөңгүлөр азаюуда

Кыргызстанда акыркы 50-70 жылда мөңгү 16%га азайган. Бул тууралуу 9-августта Бишкекте өткөн маалымат жыйынында Улуттук илимдер академиясынын Суу проблемалары жана гидроэнергетика институтунун жер үстүндөгү суу ресурстары лабораториясынын башчысы Ольга Стрижанцева билдирди.

Ал климаттын өзгөрүшү өлкөгө кандай таасирин тийгизип жатканын түшүндүрүп, кыштын жылуу болушуна байланыштуу кардын топтолушу да азайып баратканын айтты.

«Климаттын өзгөрүшү жөнүндө сөз болгондо, адамдар дароо эле температуранын жогорулап, жаан-чачындын азайып баратканын айтышат. Бул дайыма эле тастыктала бербейт. Изилдөөлөр көрсөткөндөй, чындыгында, орточо жылдык абанын көбөйүшү байкалат. Кыргызстанда жайгашкан бардык метеостанциялардын изилдөөсүнө ылайык, орточо жылдык температуранын жогорулашы байкалууда.

Мисалы, акыркы 30 жылдын ичинде Кыргызстанда кыш жылуу болуп, март айынын температурасы абдан өзгөрдү — абдан жылуу болуп калды. Эгерде мурда айрыкча бийик тоолуу райондордо март кыш айы деп эсептелсе, азыр жаз айына, ал эми өрөөндүн зоналарында дээрлик жай айына айланууда.

Жылдык температуранын бөлүштүрүлүшүнүн мындай өзгөрүшү дарыяларда пайда болгон суунун агымынын пайда болушуна чоң таасирин тийгизет», — деп белгиледи адис.

Анын айтымында, март айында абанын температурасынын жогорулашы Кыргызстанда мезгилдердин жылышына алып келди: кыш азыраак, жаз жана жай көбүрөөк болууда.

Жылуу температуранын жогорулашынын эсебинен вегетациялык мезгил узарып калды. Бул айыл чарбасы үчүн жакшы көрсөткүч, айдап-себүүнү алда канча эрте баштаса болот.

Ошондой эле, жылуу температура болгон күндөрдүн саны 15-20 күнгө көбөйдү.