8-августта Казакстанда бир катар иш-чаралар, анын ичинде эки өлкөнүн Мамлекеттер аралык жогорку кеңешинин алгачкы жыйыны өтөт.
Казакстан президентинин басма сөз кызматы маалымдагандай, лидерлердин жолугушуусунда эки өлкөнүн ортосундагы стратегиялык жана өнөктөштүк мамилелерди өнүктүрүп, саясий, соода-экономикалык, инвестициялык, транспорттук-коммуникациялык, энергетикалык, агрардык жана маданий-гуманитардык тармактар боюнча кызматташтыкты кеңейтүү маселелери талкууланат.
Мындан тышкары Мирзиёев Борбор Азия өлкөлөрүнүн лидерлеринин Консультациялык жолугушуусуна жана «Борбор Азия + Жапония» форматындагы диалогго катышат деп күтүлүүдө.
Буга чейин Борбор Азия өлкөлөрүнүн лидерлеринин алтынчы Консультациялык жолугушуусу Астана шаарында 9-августта өтөрү кабарланган.
