Биз менен байланышыңыз

Жалал-Абадда турак жайлардын короосун суу каптады

Кыска кабар | 16 Апр 2024 | 267 | 0

Нөшөрлөгөн жаадын кесепетинен Жалал-Абад шаарында ички арыктарга сел суулары толуп, турак жайлардын короолорун жана көп кабаттуу үйлөрдүн жертөлөсүн суу каптоодо.

Буга байланыштуу өзгөчө кырдаалдар министрлигинин коргонуу кызматтары тартылып, сел сууларды сордуруп, коопсуз жайга алып чыгуу иштери жүрүүдө.

Кыргызгидромет кызматы 15-16-апрелде туруксуз аба-ырайына, нөшөрлүү жаан-чачынга байланыштуу Чүй, Талас, Ош, Жалал-Абад жана Баткен облустарынын тоо этектериндеги райондордо сел жүрүшү мүмкүн экенин эскерткен.

Ылдый жана төмөн жерлерди суу каптап, дарыяларда суунун деңгээли көтөрүлүшү мүмкүн.

Селдин, суу каптоонун алдын алуу үчүн арыктарды, суу өткөрүү түтүктөрүн жана дренаждык түйүндөрдү ар кандай таштандылардан тазалоо сунушталат.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM