Өлкө боюнча бир жумада 422 мас айдоочу кармалды

Жол кыймылынын коопсуздугун камсыздоо башкы башкармалыгы 5-февралдан 11-февралга чейинки көзөмөлдөөлөрдүн жыйынтыгын жарыялады.

Алдын ала маалыматтарга ылайык, өлкө аймагында 23 миң 413 жол эрежесин бузуу катталып, анын ичинен:

• 345 айдоочунун тийиштүү документи жок болгон;
• 422 айдоочу мас абалында кармалган;
• 47 айдоочу айнектерин мыйзамсыз караңгылатып алган;
• 3 миң 352 айдоочу эксплуатациялоо эрежесин бузган;
• 3 айдоочу ээнбаштык кылганы үчүн кармалган;
• 4 миң 25 айдоочу ылдамдыкты чегинен ашырып жиберген;
• 8 айдоочу жасалма мамлекеттик номур тагып алган;
• 1 миң 526 жөө адам жолдо жүрүү эрежесин бузган;
• 13 миң 685 айдоочу ар кандай эреже бузган.

Жол эрежесин бузган 1 миң 913 айдоочунун унаасы айып короого токтотулган.

Ошондой эле учурда жол кырсыктарын болтурбоо максатында «Бахус» рейди өтүп жатканы маалымдалган.