Баткен облусунда логистикалык борбор курулууда (сүрөттөр)

Баткен районунун Самаркандек айылында логистикалык борбор курулууда. Бул тууралуу облустун жетекчилиги кабарлады.

Учурда имаратын оңдоп-түзөө иштери жүрүп жатат. Керектүү жабдуулар алып келинген, оңдоп-түзөө бүтөрү менен орнотуу башталат.

Логистикалык борбор жергиликтүү ишкерлердин биринин демилгеси менен салынып жатканы, демөөрчүсү да ошол ишкер экени айтылат маалыматта.

Борбордо жергиликтүү дыйкандардын жашылча-жемишин сакталып, таңгакталып, Кыргызстандын аймактарына жана жакынкы, алыскы чет өлкөлөргө жөнөтүлүп турат.