Бишкекте тыгынды азайтуу үчүн «акылдуу жол чырактар» коюла баштады (сүрөт)
Бишкекте жол кыймылын башкаруунун автоматташтырылган системасы — «акылдуу жол чырактар» орнотула баштады. Бул тууралуу мэриянын басма сөз кызматы билдирди.
Бүгүн, 12-январда мэр Айбек Жунушалиев Байтик Баатыр жана Медеров көчөлөрүнүн кесилишине «акылдуу жол чырактарды» орнотуу иштери менен таанышып, убагында бүткөрүү тапшырмасын берди.
Мэрия берген маалыматка караганда, бул жол чырактар унаа агымын автоматтык түрдө эсептеп, жөнгө салып турат. Ошондой эле свет өчүп калган учурда да, 4-5 саатка чейин иштей берет.
Долбоор учурда Аалы Токомбаев, Байтик Баатыр, Абдрахманов көчөлөрүндө башталган. Алгачкы этапта 21 көчөнүн кесилишине, экинчи этапта 100 көчөнүн кесилишине ушундай жол чырактар коюлат. Жалпысынан 350 көчөнүн кесилишине орнотуу мерчемделген.
Жол кыймылын башкаруунун автоматташтырылган системаларын ишке киргизүү тыгынды азайтып, жол жүрүү убактысын кыскартып, айдоочуларга жана шаар тургундарына ыңгайлуу шарттарды түзөт.
Белгилүү хирург Мамбет Мамакеев акка моюн сунду
АКШда биринчи жол роботтун жардамы менен адамдын өпкөсүнө операция жасалды
Кыргыз-кытай чек арасына жакын жерде жер титирөө катталды
Ташиев менен Ятимов кыргыз-тажик чек арасын тактоо иштери боюнча жолукту
Кыргызстанда жол эрежесин бузуудан 525 млн сом өндүрүлдү
Президент прокуратура кызматкерлерин кесиптик майрамы менен куттуктады
Ташиевге жазылган кат. Эксперттер эмне дейт?
«Ала-Тоо» эл аралык университетинде илим жумалыгы өттү
УКМК төрагасы өзүнө жана үй-бүлөсүнө коркутуулар болуп жатканын айтты
