Биз менен байланышыңыз

Президент Кытайдын экс-өкмөт башчысынын өлүмүнө байланыштуу көңүл айтты

Кыска кабар | 28 Окт 2023 | 221 | 0

Президент Садыр Жапаров Кытай Эл Республикасынын (КЭР) төрагасы Си Цзиньпинге КЭРдин Мамлекеттик Кеңешинин мурдагы премьери Ли Кэцяндын каза болгондугуна байланыштуу көңүл айтуу телеграммасын жолдоду.

«Кытайдын Мамлекеттик Кеңешинин экс-Премьери Ли Кэцяндын мезгилсиз дүйнөдөн кайткандыгы тууралуу кабарды терең кайгыруу менен кабыл алдым.

Ли Кэцян мырза татыктуу өмүр жолун басып өттү жана өзүнүн талыкпаган эмгеги менен Кытай Эл Республикасынын социалдык-экономикалык өнүгүшүнө олуттуу салым кошту.

Ал жогорку мамлекеттик кызматтарда турган мезгилде кыргыз-кытай достук кызматташтыгын бекемдөөгө абдан зор эмгек сиңирген.

Кыргыз элинин жана жеке өзүмдүн атымдан маркумдун туугандарына жана жакындарына көңүл айтып, аза кайгысын бөлүшөм»,- деп айтылат телеграммада.

Белгилей кетсек, Кытайдын өкмөт башчысы Ли Кэцян кечээ, 27-октябрдын таңында жүрөгү кармап каза тапкан.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM