Доллар кымбаттап, кезектеги интервенция жасалды

Кыргызстандын Улуттук банкы чет элдик валюта сатуу боюнча кезектеги интервенция жасады. Банктын сайтында маалымдалгандай, валюта базарына 44 млн 800 миң АКШ доллары сатылды.

5-октябрда 27 млн 150 миң долларга интервенция жасалган.

Бүгүн, 17-октябрга карата Улуттук банк доллардын сомго карата расмий курсун 89,18 сомго чейин көтөрдү.

Коммерциялык банктарда жана акча алмаштыруучу жайларда доллар 89,37 сомго чейин кымбаттады.