Ошто Насирдин Исановдун айкели ачылды

Президент Садыр Жапаров Ош мамлекеттик университетинин аймагында көрүнүктүү мамлекеттик жана саясий ишмер Насирдин Исановдун айкелин ачты.

Бүгүн, 31-августта, Ош мамлекеттик университетинде көрүнүктүү мамлекеттик жана саясий ишмер, Кыргызстандын биринчи премьер-министри Насирдин Исановдун Ош шаарындагы эстелиги ачылды. Ачылышта президент Садыр Жапаров Исановго көзү өткөндөн кийин ыйгарылган «Кыргыз Эл Баатыры» мамлекеттик сыйлыгын анын жубайына тапшырды.

Кыргызстандын Эл баатырынын 80 жылдыгын белгилөөнүн алкагында Ош облусунда майрамдык иш-чаралар өтүүдө.