Ош шаарындагы айт намазга 10 миң адам чогулду (сүрөт)

Ош шаарынын борбордук аянтында бүгүн 10 миңге жакын адамдын катышуусунда Курман айт намазы окулду. Бул тууралуу Ош шаардык мэриясынан билдиришти.

Курман айт майрамына карата окулган намазга Ош шаарынын мэри, КР Президентинин Ош облусундагы ыйгарым укуктуу өкүлү, дин өкүлдөрү, шаардык мекеме-ишканалардын жетекчилери, аксакалдар жана шаар тургундары катышты.

Белгилей кетсек, Курман айт Орозо айттан 70 күн өткөн соң белгиленет. Былтыркы жылы Курман айт 9-июлда майрамдалган.