Кыргызстан-Катар кызматташтыгы: 13 документке кол коюлду

Катар эмири шейх Тамим бин Хамад ал-Танинин Кыргызстанга болгон мамлекеттик сапарында бир катар документтерге кол коюлду.

Алар:

1. «Кыргыз Республикасынын Министрлер кабинети менен Катар Өкмөтүнүн ортосунда маданий борборлорду түзүү жана иштетүү жөнүндө» макулдашуу;
2. «Өкмөттөр аралык аскердик тармакта кызматташуу жөнүндө» макулдашуу;
3. «Саламаттык сактоо жана медициналык илим чөйрөсүндө кызматташуу жөнүндө» макулдашуу;
4. «Эки өлкөнүн бажы мыйзамдарын оптималдуу колдонуу, бажылык тартип бузууларга бөгөт коюу жана ага каршы күрөшүү максатында өз ара административдик жардам жөнүндө» макулдашуу;
5. «Эки өлкөнүн ортосундагы ветеринария тармагында кызматташуу жөнүндө» макулдашуу;
6. «Эки өлкөнүн ортосунда спорт тармагында кызматташуу боюнча өз ара түшүнүшүү жөнүндө» Меморандум;
7. «Эки өлкөнүн Юстиция министрлигинин ортосундагы укуктук чөйрөдө кызматташуу боюнча өз ара түшүнүшүү жөнүндө» Меморандум;
8. «Кыргыз Республикасынын Айыл чарба министрлиги менен Катар мамлекетинин Муниципалитет иштери боюнча министрлигинин ортосундагы өсүмдүктөрдүн карантини жаатында кызматташуу жөнүндө» макулдашуу;
9. «Айыл чарба жана азык-түлүк коопсуздугу жаатында өз ара түшүнүшүү жана кызматташуу жөнүндө» Меморандум;
10. «Кыргыз Республикасынын Финансы министрлиги менен Катар мамлекетинин Финансы министрлигинин ортосундагы биргелешкен кызматташуу боюнча өз ара түшүнүшүү жөнүндө» Меморандум;
11. «Кыргыз Республикасынын Өзгөчө кырдаалдар министрлиги менен Катар мамлекетинин Ички иштер министрлигинин ортосундагы өзгөчө кырдаалдардын алдын алуу жана жоюу жаатында кызматташуу боюнча өз ара түшүнүшүү жөнүндө» Меморандум;
12. «Кыргыз Республикасынын Улуттук банкы менен Катар мамлекетинин Борбордук банкынын ортосунда борбордук банктардын ишмердиги жаатында кызматташуу боюнча өз ара түшүнүшүү жөнүндө» Меморандум;
13. «И. Абдраимов атындагы Кыргыз авиациялык институту менен Катар авиациялык колледжи ортосунда адистерди даярдоо жаатында өз ара түшүнүшүү жөнүндө» Меморандум.