Биз менен байланышыңыз

Кара-Балта шаарында «Голден Магнат» ишканасынын кампасы өрттөнүп кетти

Кыска кабар | 4 Июн 2023 | 300 | 0
Сүрөт ӨКМдин сайтынан алынды

Жайыл районунун Кара-Балта шаарындагы өнөр жай ишканасынын кампасы өрттөнүп кетти. Бул тууралуу Өзгөчө кырдаалдар министрлиги билдирди.

«Голден Магнат» ишканасынын төрт кабат имараты өрттөнүп жатканы тууралуу маалымат Өзгөчө кырдаалдар министрлигине кечээ, 3-майда саат 22:16да түшкөн.

Жерине саат 22:18де ӨКМдин Кара-Балта шаардык жана Жайыл райондук бөлүмдөрүнөн эки бригада барып, өрттү 23:38де чектөөгө алган. 4-июнга караган түнү саат 2:00дө толук өчүрүлүп бүткөн.

Төрт кабат имараттын биринчи-экинчи кабатындагы кампа өрттөнүп кеткен. Ишкана жетекчисинин айтымында, кампада 300 кг селитра, 1000 кг каустикалык сода болгон.

Кырсыктан жабыркагандар жок экени, учурда өрттүн чыгуу себептери иликтенип жатканы айтылды.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM