Биз менен байланышыңыз

Бишкектеги күрөш боюнча турнирде Мээрим Жуманазарова коло медаль алды

Кыска кабар , Спорт | 2 Июн 2023 | 222 | 0

Бишкек шаарында өтүп жаткан Кожомкул Каба уулу жана Раатбек Санатбаев атындагы дүйнөлүк рейтингдик мелдеште Мээрим Жуманазарова коло медаль тагынды.

Мээрим Жуманазарова кыз-келиндер күрөшү боюнча 68 кг салмакта килемге чыккан. Алгачкы атаандашы казакстандык Елена Шалыгина менен 1:1 эсебинде тең чыгып, акыркы аракетти жасаганы үчүн кыргызстандык балбан жарым финалга өткөн.

Жарым финалда монголиялык Делгермаа Энцайцанга 2:1 эсебинде утулуп калган.

Коло медаль үчүн беттеште канадалык Оливиа Грейж ди Бассону 2:1 эсебинде утуп алды.

Дүйнөлүк күрөш уюму менен Кыргыз күрөш федерациясы уюштурган рейтингдик турнир борборубуздагы Bishkek Arena спорт комплексинде өтүп жатат. 1-июнда башталган беттештер 4-июнда жыйынтыкталат.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM