Токмоктогу жол кырсыктан 8 адам каза болгону айтылды (видео)

Бүгүн, 27-майда Токмоктогу айланма жолдо катталган кырсыктан алдын ала маалымат боюнча сегиз адам каза болду. Бул тууралуу маалыматты ЖКККББнын басма сөз кызматы тастыктады.

Маалыматка ылайык, оң рулдуу Honda Odissey үлгүсүндөгү унаа Нарындан Бишкекке келе жаткан, ичинде 8 адам болгон.

Унаа жолдун 78-чакырымында минивэн каршы тилкеге чыга коюп автоманипулятор менен кагышкан.

Жол кыймылынын коопсуздугун камсыздоо башкы башкармалыгы оң рулдуу унаа менен такси кызматына чыкпоону эскертти.

Учурда жол кырсыктын чоо-жайы такталууда.