Экономика министрлиги коррупцияны ооздуктоо планын иштеп чыкты

Экономика жана коммерция министрлиги 2023-2025-жылдарга министрликтин системасындагы коррупциянын алдын алуу боюнча стратегиялык иш-чаралар планын иштеп чыкты. Бул тууралуу мекеменин басма сөз кызматынан кабарлашты.

План коммерциялык уюмдарда башкаруу процессинин айкындуулугун камсыз кылуу, мамлекеттик жана муниципалдык кызматтарды көрсөтүүдө жана ишкерликти жөнгө салуу чөйрөсүндө коррупциянын деңгээлин төмөндөтүү, министрликтин ишинин ачыктыгын жогорулатуу, калктын ишеним деңгээлин, ошондой эле коррупцияга каршы билим берүү кызматкерлеринин коррупцияга каршы жүрүм-турумуна көмөк көрсөтүү боюнча чараларды камтыйт.

Пландын аткарылышына тышкы мониторинг президентке караштуу Коррупцияга каршы ишкер кеңеши, жарандык коом, бизнес-ассоциациялар жана мамлекеттик кызмат көрсөтүүлөрдү алуучулар тарабынан жүзөгө ашырылат.

Планга ички мониторинг жүргүзүү Коррупциянын алдын алуу боюнча ыйгарым укуктуу органга жүктөлөт.