Президент Садыр Жапаров расмий сапар менен Орусияга барат

Президент Садыр Жапаров Орусиянын президенти Владимир Путиндин чакыруусу менен ушул жылдын 8-майында расмий сапар менен Орусияга барат. Бул тууралуу Президенттин администрациясынын тышкы саясат бөлүмүнүн башчысы Муратбек Азымбакиев билдирди.

Анын айтымында, алдыдагы сапардын алкагында Садыр Жапаров менен Орусиянын президенти Владимир Путиндин эки тараптуу сүйлөшүүлөрү пландалууда.

«Өлкөнүн лидерлери эки тараптуу жана көп тараптуу күн тартибиндеги актуалдуу маселелерди, ошондой эле өз ара пайдалуу кызматташтыкты мындан ары өнүктүрүүнүн келечегин талкуулашат. Муну менен катар Орусиянын башка расмий өкүлдөрү менен жолугушуулар пландаштырылууда», — деди ал.

Азымбеков быйылкы жылдын 9-майында Москва шаарында өтө турган Жеңиш парадына Садыр Жапаров ардактуу конок катары катышарын белгиледи.