Үч облуста «Коопсуздук-2023» машыгуусу өткөрүлөт

Кыргызстанда «Коопсуздук — 2023» аталышындагы биргелешкен командалык-штабдык жана мобилизациялык машыгуу өткөрүлөт. Бул тууралуу Коргоо министрлиги кабарлады.

Аталган машыгуу Ош, Жалал-Абад жана Баткен облустарынын аймагында 25-27-апрель аралыгында уюштурулат.

Ага Куралдуу күчтөрдүн башкаруу органдары, президенттин аталган облустардагы ыйгарым укуктуу өкүлүнүн аппараттары, Жалал-Абад шаарынын мэриясынын, Алай районунун, Кадамжай районунун жана Базар-Коргон районунун администрациясынын өкүлдөрү, ӨКМ, ИИМ жана УКМКнын аймактык бөлүктөрү катышат.