«Тойбосс» компаниясы Орусия билдирген маалыматка жооп берди

«Тойбосс» ишканасы колбасалардын ичинен чочконун ДНКсы табылды деген маалымат тууралуу билдирүү жасады.

Компания эч качан адал эмес этти колбасага колдонбогонун, мал союуда шарият мыйзамдары так сакталарына ишендирет.

«Биздин компания 5 жылдан бери башка мамлекеттерге колбаса азыктарын экспорттоп келет. Бүтүндөй өндүрүш линиясы жана даяр продукция халал стандарттарынын шайкештигине текшерилет. БАЭ, Катарда жана Турцияда өткөн көргөзмөлөргө катышкан»- деп айтылат билдирүүдө.

Мындан сырткары ишкана 3 халал сертификаты бар экенин билдирди.