Биз менен байланышыңыз

Эки айда бажы тармагында мыйзам бузуулар боюнча 775 факты аныкталды

Кыска кабар | 14 Мар 2023 | 144 | 0

 2023-жылдын январь-февраль айларында бажы кызматынын аткезчиликке каршы күрөшүү бөлүмдөрү тарабынан бажы тармагында укук бузуулардын жана кылмыштардын 775 фактысы аныкталган. Бул тууралуу Мамлекеттик бажы кызматынан билдиришти.

Маалыматка ылайык, анын ичинен:

— укук бузуулар боюнча 736 иш козголуп, аны кароонун натыйжасында 5,1 млн сом өлчөмүндө айыптар өндүрүлүп, 14,5 млн сом өлчөмүндө КЖК жана алдын алуу иш-чараларынын алкагында бажы төлөмдөрү төлөнгөн;

— кылмыш-жазык фактылары боюнча 39 материал өткөрүлүп, алар боюнча 36,6 млн сом зыяндын орду толтурулган;

— бюджетке кошумча кирешелердин жалпы көлөмү 46 млн сомго көбөйгөн.

Эгерде 2022-жылдын 2 айында кошумча түшүүлөрдүн суммасы 9,6 млн сомду түзсө, үстүбүздөгү жылдын январь жана февраль айларында бул көрсөткүч 56,3 млн сомду түзгөн.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM