Connect with us

Өлкөдө бир канча мектеп онлайн окутууга өтүп, бала бакчалар жабылды

Кыска кабар | 17 Янв 2023 | 485 | 0

Бүгүн, 17-январдан тарта Кыргызстандын Жалал-Абад, Талас, Чүй облустарындагы бир катар мектеп онлайн окутууга өтүп, айрым бала бакчалар жабылды. Бул тууралуу Билим берүү жана илим министрлигинин басма сөз кызматы кабарлады.

Маалыматка ылайык, санитардык-эпидемиологиялык көзөмөлдөө органдарынын санитардык көрсөтмөлөрүнө ылайык, онлайн окутууга төмөнкү мектептер өттү:

  • Жалал-Абад шаарындагы мамлекеттик мектептер;
  • Көк-Жаңгак шаарындагы мектептер;
  • Таш-Көмүр шаарындагы 6 мектеп;
  • Талас облусунун Бакай-Ата районундагы 1 мектеп жана 1 мектептин 2-корпусу;
  • Чүй облусунун Жайыл районундагы 11 мектеп.

Ошондой эле Кара-Көл шаарындагы – 2, Таш-Көмүр шаарындагы – 3, Бакай-Ата районундагы –1 жана Жайыл районундагы – 5 бала бакча жабылды.

Advertisement
Пикир калтырыңыз

Leave a Reply

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM