Биз менен байланышыңыз

Япония туристтерге болгон чектөөлөрдү жойду

Дүйнө , Кыска кабар | 24 Сен 2022 | 241 | 0

11-октябрдан баштап Японияда коронавируска байланыштуу туристтер үчүн өлкөгө кирүү чектөөлөрү жокко чыгарылууда. Бул тууралуу 22-сентябрда Нью-Йорктогу маалымат жайында премьер-министр Фумио Кисида билдирди.

Анын айтымында, эми өлкөнүн аймагына кирген туристтерге кыйла жеңил болот.

7-сентябрда Япониянын аймагына кирүүгө бир катар чектөөлөр алынган. Бирок турист өз алдынча учак билеттерин сатып алып, мейманканадан орун ээлөөгө тыюу салынган. Бул чектөөлөр 11-октябрдан тарта жокко чыгарылат.

Учурда Японияда COVID-19 жугузуп алган бейтаптардын саны азайып баратат. Өткөн жуманын ичинде адистер коронавирус менен ооруган 370 миңге жакын адамды аныкташкан. Бул көрсөткүч мурунку жумага салыштырмалуу 33 пайызга аз.

Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM