Биз менен байланышыңыз

Жогорку Кеңеш чек ара маселесин жабык карап жатат

Кыска кабар | 22 Сен 2022 | 348 | 0

Бүгүн, 22-сентябрда Жогорку Кеңештин депутаттары кыргыз-тажик чек арасындагы жагдай тууралуу маселелерди жабык карап жатат.

Жыйынга Улуттук коопсуздук боюнча мамлекеттик комитеттин төрагасы Камчыбек Ташиев баштаган тиешелүү мамлекеттик органдардын өкүлдөрү катышууда.

22-сентябрь саат 8:30га карата мамлекеттик чек аранын Баткен облусундагы кыргыз-тажик тилкесинде абал салыштырмалуу туруктуу экенин УКМКнын Чек ара кызматы билдирди.

Бүгүн чек ара аймактарын жарылбаган снаряддардан, миналардан жана башка жардыргыч заттардан тазалоо жана зыянсыздандыруу боюнча иштер уланмакчы.

14-17-сентябрда Тажикстандын Кыргызстанга куралдуу кол салуусунда 59 адам курман болду, 200дөй адам түрдүү жараат алды. 140 миңден ашуун адам коопсуз жактарга эвакуацияланды.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM