Тажик тарап келишимдерди бузуп, саат 18:30да кайрадан ок чыгарды

УКМКнын Чек ара кызматынын маалымат жана байланыш башкармалыгы саат 18:30га карата кыргыз-тажик тилкесинде кырдаал курчуп жатканын билдирди.

Тажик тарап эки саат мурун жетишилген макулдашууларды бузуп, Лейлек районунун Кулунду жана Жаңы-Жер конуштарындагы кыргыз чек арачыларынын түзүмдөрүнө кайрадан ок чыгарды.

Баткен облусунда тажик тарап көп жолу ракеталык системаны колдонгону катталды.

Чек ара кызматы ок атышууну толук токтотуу үчүн бардык чараларды көрүүдө.