Биз менен байланышыңыз

Польшадан адам өлтүрүүгө шектелген жаран Кыргызстанга алып келинди

Кыска кабар | 12 Сен 2022 | 135 | 0

Польшадан адам өлтүрүүгө шектелген айыпталуучу Кыргызстанга алып келинди. Бул тууралуу Башкы прокуратуранын басма сөз кызматы билдирди.

Маалыматка караганда, Польшанын Юстиция министрлиги тарабынан Кыргызстандын Башкы прокуратурасынын Н.К.Д. аттуу жаранды кылмыш-жаза жоопкерчилигине тартуу үчүн өткөрүп берүү жөнүндө суроо-талабы канааттандырылган. Ал 2011-жылы Жалал-Абад облусунун Сузак районунда өзгөчө мыкаачылык менен адам өлтүргөндүгү үчүн айыпталууда.

Эл аралык издөөнүн фигуранты 11 жылдан ашуун изин жашырып, жасалма паспортту колдонуп Украинанын жана Түркиянын аймагында качып жүргөн.
10-сентябрда Башкы прокуратуранын тапшырмасынын негизинде Ички иштер министрлигинин Кылмыш иликтөө башкы башкармалыгынын кызматкерлери тарабынан айыпталуучу Польшадан Кыргызстанга алып келинди.

Издөөдө жүргөн адамды экстрадициялоо иш-чарасы 6 айдын ичинде жүзөгө ашырылып, Польшанын ыйгарым укуктуу органдарынын, ИИМдин Кылмыш иликтөө башкы башкармалыгынын жана Интерполдун Кыргызстандагы Улуттук борбордук бюросунун кызматкерлеринин, ошондой эле Кыргызстандын Польшадагы консулу Януш Кшивошинскийдин макулдашылган иш-аракеттеринин жыйынтыгында мүмкүн болгон.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Copyright © 2017 Maral FM