Биз менен байланышыңыз

Бишкекте кафедеги сейфти уурдоого шектелип эки жигит кармалды

Кыска кабар | 17 Авг 2022 | 245 | 0

Бишкекте кафеден акча салынган сейфти уурдоого шектелип эки жигит кармалды. Бул тууралуу Бишкек шаардык Биринчи Май райондук ички иштер башкармалыгынын басма сөз кызматы билдирди.

7-августта милиция бөлүмүнө С.А. аттуу жаран арыз менен кайрылып, ошол эле күнү түнкү саат 23:50дө Орозбеков көчөсүндөгү кафелердин биринен 150 миң сом акчасы бар сейфти уурдап кеткендигин айтып, ууруларды кармап берүү өтүнүчүн айткан.

Ошондой эле кассада турган 5 миң 460 сомду, баалуу сувенир жана Xiaomi маркасындагы уюлдук телефон уурдалган.

Бул факты боюнча Кылмыш-жаза кодексинин 205-беренеси (Уурдоо) менен кылмыш иши козголуп, тергөө амалдары башталган.

Учурда келтирилген зыяндын жалпы көлөмү такталууда.

Ыкчым иликтөө иштеринин жыйынтыгында кылмыштарды жасоого шектелип, 2002-жылы туулган Ы.М. жана 2003-жылы туулган К.Ж. аттуу жарандар кармалып, Бишкек шаардык ички иштер башкармалыгынын убактылуу кармоочу жайына киргизилген.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM