1-июлда айрым аймактарда өткүн өтөт

Кыргызгидромет борборунун маалыматы боюнча, эртең, 1-июлда түнкүсүн Чүй облусунун кээ бир райондорунда, Чолпон-Ата, Каракол шаарларында өткүн өтүп, күн күркүрөйт. Калган аймактарда жаан жаабайт.

Күндүз Чүй, Жалал-Абад, Ош облусунун тоо этектеринде жана тоолуу райондорунда, Ысык-Көл, Нарын облусунун дыйканчылык аймактарында өткүн өтүп, күн күркүрөйт. Калган аймактарда жаан-чачын күтүлбөйт.

Батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге чейин жетет.

Аба температурасы:

Чүй өрөөнүндө түнкүсүн +18…+23, күндүз +30…+35,

Талас облусунда түнкүсүн +14…+19, күндүз +29…+34,

Жалал-Абад, Ош Баткен облустарында түнкүсүн +20…+25, күндүз +32…+37,

Ысык-Көл, Нарын облустарында түнкүсүн +11…+16, күндүз +25…+30,

Бишкек шаарында кечке маал өткүн өтүшү мүмкүн. Абанын температурасы түнкүсүн +21…+23, күндүз +33…+35 градус болот.