Муздаткыч саткандар маалыматтык системага милдеттүү катталышы керек

Евразия экономикалык комиссиясы бекиткен тизмеге киргизилген товар жүгүртүүчү ишкерлер 1-июлдан тарта маалыматтык системадан каттоодон өтүп, электрондук товардык-транспорттук коштомо кагаз (ЭТТК) колдонууга милдеттүү. Бул тууралуу Мамлекеттик салык кызматы билдирди. 

Атап айтканда, ЕАЭБ бажы аймагына ташып келинген, пилоттук долбоордун алкагында байкоо жүргүзүлүп жаткан товарлардын тизмесине ылайык, 1-июлдан баштап ЭТТКны колдонууга ЕАЭБ ТЭИ ТН 8418 10 200 1, 8418 10 800 1, 8418 21 100 0, 8418 21 510 0, 8418 21 590 0, 8418 21 910 0, 8418 21 990 0, 8418 30 200 1, 8418 30 800 1, 8418 40 200 1, 8418 40 800 1 коддору менен тиричилик муздаткычтарын жана тоңдургучтарды жүгүртүү кирет.

ЭТТК системасына катталуу Салык кызматынын сайтындагы «жеке кабинет» аркылуу ишке ашырылат.

Белгилей кетсек, ЭТТК маалыматтык системасы коштомо кагазды тариздөөгө, аларды реалдуу режимде контрагентке берүүгө мүмкүндүк берүүчү салык кызматынын бирдиктүү порталы болуп саналат. Анын арты менен ишкерлер ашыкча кагаз иштеринен кутулуп, убактысын да үнөмдөп калат.