Биз менен байланышыңыз

Эртең Бишкекте күрөш боюнча Азия чемпионаты башталат

Кыска кабар | 18 Июн 2022 | 260 | 0

Кыргызстан эки жаш курактагы Азия чемпионатын өткөрүүгө даяр. Бул тууралуу Дене тарбия жана спорт департаментинен билдиришти.

17 (U17) жана 23 (U23) жаштагылар ортосундагы турнир эртең 19-июнда башталып, 26-июнга чейин уланат. Анда күрөштүн олимпиадалык түрлөрү: грек-рим, кыз-келиндер, эркин күрөш боюнча балбандар күч сынашат. Бекитилген тартипке ылайык, баштапкы беттештер 10:30да, ал эми финалдык беттештер 18:00дө башталат.

Виноградная көчөсү, 1/3 дарегиндеги Bishkek Arena муз аянтында өтө турган мелдештерди Дүйнөлүк күрөш уюму расмий сайты аркылуу, андан тышкары УТРК түз алып көрсөтөт.

Азия чемпионатында Кыргызстандын намысын 60 спортчу коргойт. Ошондой эле 6 калыс, 17 машыктыруучу катышат.

Беттештерди көрүүнү каалагандар үчүн билеттер муз аянттын кассасында 350 сомдон сатылууда.

Жарнама
Пикир калтырыңыз

Жооп жазуу

Сиздин e-mail дарегиңиз жарыяланбайт. Сөзсүз толтурулушу керек болгон боштуктар мындай белгиленген: *

Көп окулууда
Маанилүү

Copyright © 2017 Maral FM