Москвада сабалды делген өспүрүм кыз Кыргызстанга алып келинет

Москвага кеткен 11 жаштагы кыздын тууганы тарабынан сабалганы тууралуу факты Балдар укугу боюнча ыйгарым укуктуу өкүл Асел Чынбаеванын көзөмөлүндө.

Бул тууралуу президенттин администрациясынан кабарлашты.

Үстүбүздөгү жылдын 22-майында Кыргызстандын Орусиядагы элчилигинин кызматкерлери, Ички иштер министрлигинин Орусиядагы өкүлдөрү кыргыз диаспорасынын активисттери менен биргеликте өспүрүмдүн жашаган жерине барышкан.

Учурда ата-энеси менен макулдашып, жашы жете элек кызды Кыргызстанга жөнөтүү үчүн тиешелүү документтер даярдалууда.

Бул факты боюнча тиешелүү мамлекеттик органдар менен иш жүрүүдө.